Coronafeirws: Matt Hancock yn wynebu cwestiynau am ymateb y Llywodraeth

Diweddarwyd am  
Matt Hancock, Ysgrifennydd Iechyd San Steffan

Matt Hancock, Ysgrifennydd Iechyd San Steffan

Llun: Flickr Downing Street

Fe fydd yr Ysgrifennydd Iechyd, Matt Hancock, yn wynebu cwestiynau gan Aelodau Seneddol heddiw (Dydd Gwener, Ebrill 17) ynglŷn ag ymateb y Llywodraeth i’r coronafeirws, ar ôl i’r cyfyngiadau gael eu hymestyn am o leiaf tair wythnos arall.

Mae disgwyl i Aelodau Seneddol holi Matt Hancock am offer diogelwch (PPE) a strategaeth ar gyfer llacio’r cyfyngiadau pan fydd yn ymddangos drwy gyswllt fideo gerbron Pwyllgor Iechyd y Senedd.

Daw hyn yn dilyn adroddiadau bod pennaeth Ymddiriedolaeth Gwasanaeth Iechyd yn ne Lloegr wedi gofyn am gymorth cwmni ffasiwn am ei fod yn pryderu y bydd staff yn brin o wisgoedd diogelwch yn fuan iawn.

Roedd y dyn, sydd eisiau aros yn anhysbys, wedi gofyn i’r BBC am rif ffon ffatri Burberry sydd, ynghyd a chwmnïau ffasiwn eraill, wedi dechrau cynhyrchu PPE.

Yn y cyfamser mae arweinydd y Blaid Lafur Syr Keir Starmer wedi dweud bod yr Ysgrifennydd Gwladol Dominic Raab, sy’n dirprwyo ar ran Boris Johnson ar hyn o bryd, yn “amharod” i amlinellu cynllun i lacio’r cyfyngiadau heb y Prif Weinidog.

Mae Dominic Raab wedi dweud bod “goleuni ar ddiwedd y twnnel” ond wedi rhybuddio yn erbyn llacio’r cyfyngiadau yn rhy fuan gan beri risg o gynyddu nifer yr achosion o Covid-19.

Mae Keir Starmer wedi dweud nad yw’r Llywodraeth wedi gwneud penderfyniadau yn ddigon cyflym yn ystod yr argyfwng.

Yn ôl yr Adran Iechyd, roedd nifer y marwolaethau o Covid-19 mewn ysbytai yn y Deyrnas Unedig wedi cyrraedd 13,729 am 5pm ddydd Mercher (Ebrill 15).

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn