Dirwy o £650 i ddynes mewn gorsaf drenau heb reswm teilwng

Diweddarwyd  

lun-commons-wilkimedia-

Mae’r person cyntaf i gael ei harestio ar y rheilffordd am dorri cyfyngiadau coronafeirws wedi derbyn dirwy o £650.

Cafodd Marie Dinou y ddirwy ar ôl iddi fethu rhoi rheswm teilwng am ddefnyddio’r rheilffordd yn ystod y pandemig.

Cafodd yr heddlu eu galw gan weithwyr y rheilffordd ar ôl iddyn nhw weld y ddynes 41 oed yn loetran rhwng y platfformau yn stesion Newcastle Central ddydd Sadwrn (Mawrth 28).

Fe sgwrsiodd yr heddlu gyda hi a’i holi sawl gwaith pam ei bod hi yno, ond ar ôl gwrthod egluro’i hunan fe’i harestiwyd.

“Mae gorfodaeth o unrhyw fath o dan y canllawiau newydd wir yn gam mawr, yn enwedig arestio” meddai Dirprwy Brif Gwnstabl Sean O’Callaghan.

“Yn yr achos yma, fe geisiodd y swyddogion eu gorau glas i drafod hefo Dinou. Gallaf eich sicrhau chi y buasai’n llawer gwell ganddo ni beidio cymryd y fath gamau.

“Rydym yn erfyn ar y cyhoedd i wneud y peth iawn a’n helpu ni i achub bywydau wrth aros adref ac arafu lledaenu’r firws.”

Dirwy

Cafodd Marie Dinou o Efrog ei harestio ac ymddangosodd yn y Llys yn North Tyneside ddydd Llun, (Mawrth 30).

Cafodd ddirwy o £650 am fethu dilyn y gofynion sydd wedi eu gosod o dan y Ddeddf Coronafeirws 2020 yn ogystal a dirwy o £85 am dwyll tocynnau a £80 mewn costau.

O dan y cyfreithiau newydd, mae gan yr heddlu hawl i roi dirwy i unrhyw un y tu allan i’w cartref heb reswm dilys, gyda’r dirwyon yn dechrau ar £60 ond yn gallu cyrraedd uchafswm o £960 i’r rhai sydd yn ail droseddu.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn