Coronafeirws: Boris Johnson dan bwysau i orchymyn mesurau llymach

Diweddarwyd am  

Mae’r pwysau’n cynyddu ar y Prif Weinidog Boris Johnson i gyflwyno mesurau llymach a gorchymyn pobl i aros yn eu cartrefi wedi i filoedd anwybyddu canllawiau i “ymbellhau yn gymdeithasol” i arafu lledaeniad y coronafeirws.

Dywed y Prif Weinidog ei fod yn ystyried yn “ddwys iawn” pa gamau i’w cymryd os yw pobl yn parhau i ymgynnull mewn niferoedd mawr.

Roedd ‘na feirniadaeth chwyrn ymhlith Aelodau Seneddol wrth i bobl heidio i fannau twristaidd yng nghefn gwlad a thraethau dros y penwythnos.

Cafodd meysydd parcio mewn rhai lleoliadau, fel Eryri, eu llenwi yng ngogledd Cymru ac roedd yno dagfeydd ar y ffyrdd.

Dywed y cyn-weinidog Cabinet Julian Smith y byddai’n cefnogi “unrhyw fesurau” mae’r Llywodraeth yn eu cyflwyno i orfodi pobl i gydymffurfio â’r canllawiau.

Yn ôl ysgrifennydd iechyd cysgodol Llafur, Jonathan Ashworth, dylai gweinidogion fod yn gwneud paratoadau ar gyfer y “cam nesaf” tra’n dysgu gan wledydd Ewropeaidd.

Daw hyn wedi i berson 18 oed farw o Covid-19 – y claf ieuengaf yn y Deyrnas Unedig i farw o’r firws yn y Deyrnas Unedig wrth i nifer y meirw godi i 281.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones