Coronafeirws: gall heddlu’r Alban orfodi lleoliadau i gau

 
Baner yr Alban

Baner yr Alban

Llun: Wicipedia

Fe fydd Heddlu’r Alban yn gallu gorfodi tafarndai ac unrhyw leoliadau trwyddedig eraill i gau eu drysau o heddiw ymlaen (dydd Sul, Mawrth 22).

Mae’n rhan o gyfres o fesurau sy’n cael eu cyflwyno wrth ymateb i’r coronafeirws.

Ddydd Gwener (Mawrth 20), cafodd lleoliadau adloniant trwyddedig eu hannog i gau er mwyn atal ymlediad y coronafeirws.

Mae’r heddlu’n canmol y nifer fawr o leoliadau trwyddedig sydd wedi cydymffurfio â’r cyngor i gau hyd yn hyn, ond mae lleiafrif bach wedi gwrthod gwneud hyd nes y bydd yn rhaid iddyn nhw yn ôl y gyfraith.

Mae’r lleoliadau trwyddedig hyn yn cynnwys tafarndai, clybiau, bwyta a champfeydd.

Mae’r awdurdodau’n dweud bod methu â chydymffurfio’n peryglu bywydau cwsmeriaid a’r gymuned ehangach.

Ar ôl cael y pwerau newydd, fe fydd Heddlu’r Alban yn gallu gorfodi lleoliadau i gau am 24 awr os ydyn nhw’n gwrthod cydymffurfio â’r cyngor sy’n cael ei roi.

Does dim terfyn ar sawl gwaith gall yr heddlu orchymyn lleoliadau i gau eu drysau os ydyn nhw’n parhau i anwybyddu’r gorchymyn, a bydd unrhyw leoliad sy’n torri’r gorchymyn yn cael eu cyfeirio at y Bwrdd Trwyddedu.

Mae 416 o bobol wedi profi’n bositif ar gyfer y feirws yn yr Alban, a deg o bobol wedi marw.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones