Gohirio cynlluniau am refferendwm yn yr Alban

 

Senedd yr Alban

Mae llywodraeth yr Alban wedi cadarnhau na fydd yn ceisio cynnal refferendwm annibyniaeth yn 2020, yn sgil coronafeirws.

Roedd llywodraeth yr SNP yn Holyrood eisiau cynnal pleidlais ar annibyniaeth yn 2020, gan ennill pleidlais yn y senedd fis Ionawr yn galw am refferendwm, er bod llywodraeth y Deyrnas Unedig wedi gwrthod rhoi’r pwerau iddynt i gynnal un.

Fodd bynnag, mae Ysgrifennydd Cysylltiadau Cyfansoddiadol yr Alban, Mike Russell wedi ysgrifennu ar Michael Gove, Gweinidog Swyddfa’r Cabinet yn Llundain,  i ddweud bod cynlluniau ar gyfer pleidlais arall wedi ei ohirio yn sgil effaith “digynsail” coronafeirws.

Mae Mike Russell hefyd wedi annog llywodraeth y Deyrnas Unedig i ohirio trafodaethau Brexit gyda’r Undeb Ewropeaidd am o leiaf chwe mis.

Yn ei lythyr, dywed Mike Russell: “Oherwydd yr argyfwng, mae llywodraeth yr Alban wedi rhoi saib ar baratoadau ar gyfer ail refferendwm annibyniaeth eleni.

“Rydym hefyd wedi ysgrifennu at y Comisiwn Etholiadol i’w gwneud hi’n glir nad ydym yn disgwyl iddo ymgymryd â phrofi cwestiwn refferendwm tan mae amgylchiadau iechyd cyhoeddus yn caniatau gweithgaredd o’r fath.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn