Glastonbury wedi ei gohirio tan 2021

 
Pobol yn dechrau cyrraedd gŵyl Glastonbury yng nghanol y mwd

Pobol yn dechrau cyrraedd gŵyl Glastonbury yng nghanol y mwd

Mae gŵyl Glastonbury wedi cael ei gohirio tan 2021 yn sgil y pandemig coronafeirws, meddai’r trefnwyr.

Roedd yr ŵyl gerddoriaeth i fod yn dathlu ei phen-blwydd yn 50 oed eleni.

Mae’r trefnwyr, Michael ac Emily Eavis wedi cadarnhau y bydd tocynnau eleni yn ddilys ar gyfer 2021.

Daw hyn wedi i’r llywodraeth alw ar bobol i osgoi tafarndai, clybiau a theatrau, unrhyw gysylltiad gyda phobl eraill sydd ddim yn angenrheidiol, ynghyd a theithio os nad oes angen, a gweithio o adref os yn bosib.

“Nid dyma’r dull gweithredu yr oeddem eisiau ei gymryd gyda’n digwyddiad pen-blwydd 50, ond yn dilyn mesurau mae’r llywodraeth wedi eu cyhoeddi wythnos yma – ac mewn cyfnod mor ansicr – dyma’r unig opsiwn,” meddai datganiad gan y trefnwyr.

Mae Michael ac Emily Eavis wedi annog y sawl sydd eisiau eu harian yn ôl i gysylltu gyda See Tickets yn y dyddiau nesaf.

Roedd Glastonbury, sy’n denu oddeutu 200,000 o bobol i Wlad yr Haf pob blwyddyn, i fod i gael ei gynnal rhwng Mehefin 24-28.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones