Boris Johnson yn ystyried mesurau llymach i fynd i’r afael a’r coronafeirws

Diweddarwyd am  

Boris Johnson

Llun: Swyddfa Dramor a’r Gymanwlad trwy Flickr

Mae disgwyl i Boris Johnson wneud cyhoeddiad ynglŷn â’r coronafeirws yn dilyn cyfarfod gyda gweinidogion a swyddogion i ystyried mesurau llymach i fynd i’r afael a’r haint.

Fe allai gynnwys canslo digwyddiadau mawr a chyngor i’r henoed ynysu eu hunain am hyd at bedwar mis.

Fe fydd y Prif Weinidog yn cadeirio cyfarfod o’r pwyllgor argyfyngau Cobra prynhawn ma (dydd Llun, Mawrth 16).

Mae Downing Street wedi cyhoeddi y bydd yn cynnal cynhadledd newyddion dyddiol o hyn ymlaen er mwyn rhoi gwybod i’r cyhoedd beth yw’r diweddara ynglŷn â Covid-19. Mae’n dilyn beirniadaeth ynglŷn â diffyg tryloywder.

Daw hyn yn sgil adroddiadau ym mhapur y Guardian bod Iechyd Cyhoeddus Lloegr wedi rhybuddio penaethiaid iechyd y gallai’r coronafeirws barhau tan y gwanwyn 2021 ac y gallai hyd at 7.9 miliwn o bobl gael triniaeth ysbyty.

Wrth i nifer y meirw yn y Deyrnas Unedig gynyddu i 35 ddydd Sul (Mawrth 15) dywedodd yr Ysgrifennydd Iechyd, Matt Hancock, y gallai pobl dros 70 oed orfod aros yn eu cartrefi am hyd at bedwar mis o fewn yr wythnosau nesaf.

Mae disgwyl i Boris Johnson hefyd ofyn i wneuthurwyr yng ngwledydd Prydain gynhyrchu offer meddygol angenrheidiol i’r Gwasanaeth Iechyd.

Ac fe fydd yn trafod gydag arweinwyr gwledydd y G7, gan gynnwys yr Arlywydd Donald Trump a Changhellor yr Almaen Angela Merkel, i drafod ymateb ar y cyd i’r pandemig.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones