Islamoffobia: Trevor Phillips yn herio ymgeiswyr arweinyddol Llafur

 
Trevor Phillips

Trevor Phillips

Llun: Heinrich Böll Stiftung trwy Wikimedia Commons

Mae Trevor Phillips, un o hen lawiau’r Blaid Lafur, yn galw ar ymgeiswyr arweinyddol y blaid i ddweud yn gyhoeddus a ydyn nhw’n cefnogi ei wahardd o’r blaid dros honiadau o Islamoffobia.

Mae’r ymgyrchydd gwrth-hiliaeth a chyn-gadeirydd y Comisiwn Cydraddoldeb a Hawliau Dynol yn wynebu ymchwiliad a’r posibilrwydd o gael ei ddiarddel o’r blaid dros sylwadau wnaeth o yn y gorffennol.

Ond mae o wedi amddiffyn ei sylwadau, gan ddweud mai “nonsens” yw diffinio bod yn wrth-Islam fel hiliol gan nad yw Mwslimiaid yn adnabod eu hunain fel hil.

Yn ôl y Daily Telegraph, mae gŵr 66 oed wedi galw ar Syr Keir Starmer, Lisa Nandy a Rebecca Long-Bailey i “ddewis ochr” a dweud a ydyn nhw o blaid ei wahardd.

‘Prawf’

Dywed Trevor Phillips wrth y papur fod y mater yn “brawf i weld pa fath o blaid mae’r ymgeiswyr yma eisiau ei harwain.”

Mae hyn wedi’i ategu gan ymgynghorydd gwrth-semitiaeth y Llywodraeth, yr Arglwydd John Mann.

“Mae’n dangos arweinyddiaeth unai i gefnogi’r ymchwiliad neu Trevor Phillips,” meddai.

“Dyw gwahardd cadeirydd cyntaf y Comisiwn Cydraddoldeb a Hawliau Dynol ddim yn fater i eistedd ar y ffens yn ei gylch.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones