Boris Johnson yn dal i amddiffyn Priti Patel

 
Llun pen ac ysgwydd o'r gwleidydd, ar gefndir gwyn

Priti Patel

Llun: Adran Datblygu Rhyngwladol, Llywodraeth Prydain CC 2.0 trwy Commons Wikimedia

Mae’r Prif Weinidog wedi parhau i amddiffyn yr Ysgrifennydd Cartref Priti Patel yn erbyn honiadau ei bod hi wedi bwlio staff mewn tair adran wahanol o’r llywodraeth.

Dywed Boris Johnson bod Priti Patel yn gwneud “gwaith gwych” wrth wynebu “lot o anawsterau.”

Ond mewn ymddangosiad ar raglen This Morning, dywedodd ei fod wedi rhybuddio aelodau’r Cabinet nad oedd yn hoffi bwlio.

Daeth ei sylwadau ar ôl i was sifil yn y Swyddfa Gartref, Syr Philip Rutman, gyhoeddi ddydd Sadwrn (Chwefror 29) ei fod yn ymddiswyddo, a chyhuddo Priti Patel o fwlio staff yn yr adran.

Yn dilyn ei ymddiswyddiad, daeth rhagor o honiadau o fwlio o’u chyfnod mewn swyddi gweinidogol eraill.

“Does dim angen imi ddweud nad ydw i’n hoffi bwlio. Mae’n rhaid i ni ymchwilio’r peth ac mi fydd yna ymchwiliad Cabinet,” meddai Boris Johnson.

“Mae fy ngreddf yn dweud wrtha i sticio gyda Priti. Mae hi’n gwneud gwaith gwych wrth wynebu lot o anawsterau.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn