“Dylai’r SNP roi terfyn amser ar ail refferendwm annibyniaeth”

Diweddarwyd am  
Refferendwm yr Alban

Annibyniaeth i’r Alban

Llun: Geograph

Mae ffigwr blaenllaw yn yr SNP wedi dweud y dylai’r blaid roi tan y Pasg i Boris Johnson dderbyn gorchmynion am ail refferendwm annibyniaeth i’r Alban cyn bwrw ati i ddechrau ar gynlluniau i gynnal pleidlais ar eu liwt eu hunain.

Dywed Christopher McEleny, arweinydd grŵp yr SNP ar gyngor Inverclyde “nad yw’n gynaliadwy i gicio trafodaethau ar Gynllun B mewn i’r glaswellt hir” os nad yw pwerau refferendwm yn cael eu trosglwyddo yn yr wythnosau nesaf.

Fis Rhagfyr, gwrthododd Boris Johnson gais Nicola Sturgeon i gael cynnal ail refferendwm, ond mae hi’n dal i fynnu y gallai pleidlais gael ei chynnal eleni.

‘Strategaeth wahanol’

Mae Christopher McEleny, wnaeth lunio “Plan B” annibyniaeth gyda’r Aelod Seneddol Angus MacNeil, yn credu bod yn rhaid edrych ar “strategaeth wahanol” os nad yw refferendwm wedi ei ganiatáu gan San Steffan erbyn y Pasg.

Yna gallai cynnig newydd gael ei roi i gynhadledd yr SNP fis Hydref, meddai.

“Os yw llywodraeth y Deyrnas Unedig yn gwrthod ein hawl i gael refferendwm, yna dylem allu dibynnu ar ein senedd sofren a democrataidd i wneud hynny.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones