Amddiffyn Tŷ’r Arglwyddi “prysur ac effeithiol”

 
Y tu mewn i siambr Ty'r Arglwyddi

Ty’r Arglwyddi

Llun: UK-Parliment-CC-BY-3.0

Mae Tŷ’r Arglwyddi’n dweud ei fod yn sefydliad “prysur ac effeithiol” wrth amddiffyn penderfyniad i roi traean yn fwy o arian i aelodau y llynedd.

Yn ôl y Sunday Times, roedd cynnydd o 29% yn lwfans presenoldeb aelodau hyd at fis Mawrth diwethaf, wrth iddyn nhw dderbyn £23m rhyngddyn nhw.

Hawliodd mwy na 110 o aelodau gwerth £1m, er na wnaethon nhw gyfrannu ar lafar nac yn ysgrifenedig yn ystod y cyfnod hwnnw.

£30,827 oedd y taliad i aelodau unigol ar gyfartaledd ond fe ddaeth i’r amlwg fod rhai arlgwyddi wedi hawlio mwy o dreuliau na chyflog cyfartalog aelodau seneddol.

Yn ôl llefarydd, mae modd priodoli’r cynnydd i’r ffaith fod disgwyl i’r arglwyddi fod yn Nhŷ’r Arglwyddi yn fwy aml dros y flwyddyn ddiwethaf – o 129 o ddiwrnodau yn 2017-18 i 161 o ddiwrnodau yn 2018-19.

Roedd yr arglwyddi wedi ymgynnull yn llai aml yn 2017-18 oherwydd yr etholiad cyffredinol, yn ôl y llefarydd sy’n dweud bod Tŷ’r Arglwyddi’n “siambr adolygu prysur ac effeithiol sy’n gwneud gwaith pwysig wrth graffu ar ddeddfwriaeth a dal y llywodraeth i gyfrif”.

‘Sgandal treuliau’

Ond mae un o gyfarwyddwyr y Gymdeithas Ddiwygio Etholiadol yn dweud bod “sgandal treuliau ar y gweill” yn Nhŷ’r Arglwyddi.

“Mae arglwyddi nad ydyn nhw’n cael eu hethol yn manteisio ar ddiffyg craffu yn y siambr uchaf,” meddai Willie Sullivan.

“Mae’r Arglwyddi’n sgandal treuliau sydd ar y gweill – ac fe welwn ni hyn flwyddyn ar ôl blwyddyn oni bai bod diwygio.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn