Danny Cipriani yn talu teyrnged emosiynol i Caroline Flack

Diweddarwyd am  
Danny Cipriani

Danny Cipriani

Llun: Chris Brown trwy Wikimedia Commons

Mae Danny Cipriani, chwaraewr rygbi Lloegr, wedi talu teyrnged i Caroline Flack mewn fideo ar ei gyfrif Instagram, gan hefyd ddatgelu iddo yntau geisio lladd ei hun.

Dywedodd ei fod wedi bod yn siarad â’i gyn-gariad yn rheolaidd yn ystod y tri neu bedwar mis diwethaf, a’i bod hi wedi ceisio cysylltu â fe nos Wener diwethaf, oriau cyn i’r gyflwynwraig ladd ei hun.

Y noson honno, roedd Danny Cipriani yn chwarae i dîm Caerloyw (Gloucester) yn erbyn Caerwysg (Exeter) yn Uwch Gynghrair Gallagher, a’i fod felly wedi methu ei galwad.

Dywed y byddai’n rhannu popeth gyda Caroline Flack “oherwydd iddi wneud i mi deimlo’n ddiogel”.

Yn y fideo, dywed y chwaraewr rygbi 32 oed, sydd wedi ennill 16 o gapiau dros Loegr, ei fod wedi dioddef o “iselder difrifol” yn ei ugeiniau cynnar.

“Mae dyletswydd arnaf i rannu fy mhrofiad,” meddai.

Gan egluro ei resymau dros gyhoeddi’r fideo, ychwanega, “Rwy’n dweud y pethau hyn er mwyn i bobol eraill wybod ei bod hi’n iawn i fod yn agored ac yn fregus”.

Ar ddiwedd y fideo, mae’n diolch i bobol am eu caredigrwydd tuag at deulu a ffrindiau Caroline Flack.

Cefndir

Fe wnaeth Caroline Flack roi’r gorau i gyflwyno Love Island ar ôl ymosodiad honedig ar ei chariad, Lewis Burton.

Plediodd yn ddieuog mewn gwrandawiad llys ym mis Rhagfyr a chafodd ei rhyddhau ar fechnïaeth, a’i gorchymyn i beidio â chysylltu â Lewis Burton, er nad oedd e o blaid ei herlyn hi.

Cafwyd hyd iddi’n farw yn ei fflat yn Llundain ddydd Sadwrn (Chwefror 15), ac fe ddaeth i’r amlwg iddi ladd ei hun.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn