Angus Robertson yn llygadu sedd Ruth Davidson yn Holyrood

 

Angus Robertson

Llun o’i dudalen Facebook

Mae Angus Robertson, cyn-arweinydd yr SNP yn San Steffan, yn dweud bod “Caeredin yn haeddu gwell” wrth gyhoeddi ei fwriad i frwydro am sedd Ruth Davidson yn Holyrood.

Datgelodd Angus Robertson y bydd yn chwilio am enwebiad yr SNP i sefyll yn etholaeth Canol Caeredin yn etholiadau 2021 pan fydd Ruth Davidson yn camu o’r neilltu.

Ym mhapur yr Edinburgh Eveing News, dywed Angus Robertson fod Ruth Davidson wedi “rhoi sylw i yrfaoedd eraill yn Llundain yn lle canolbwyntio ar y bobol y mae’n eu cynrychioli yn Holyrood,” ac mae’n dadlau bod ei hetholwyr yn “haeddu gwell”.

‘Fi fyddai’r ymgeisydd gorau’

“Ar hyn o bryd, mae calon prif ddinas yr Alban yn cael ei gynrychioli gan rhywun fyddai’n ffafrio bod yn Nhŷ’r Cyffredin a cheisio am swydd mewn cysylltiadau cyhoeddus,” meddai wrth gyhoeddi ei fwriad.

“Mae angen aelod seneddol ar Ganol Caeredin sydd ag ymrwymiad llawn i’w etholwyr a’r etholaeth, ac mae angen ymgeisydd llawn amser ar yr SNP i ennill y sedd bwysig yma.

“Rydw i’n credu mai fi fyddai’r ymgeisydd gorau ar gyfer hyn.”

Collodd cyn-arweinydd yr SNP yn Nhŷ’r Cyffredin ei sedd yn San Steffan i’r Ceidwadwr Douglas Ross yn yr etholiad cyffredinol yn 2017.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones