Boris Johnson yn cadeirio cyfarfod ei Gabinet newydd

Diweddarwyd am  

Rhif 10 Downing Street

Llun-Sergeant-Tom-Robinson-RLC-CC-BY-SA-2.0

Fe fydd Boris Johnson yn cadeirio ei gyfarfod cyntaf o’i Gabinet ar ei newydd wedd yn dilyn ad-drefnu sylweddol ddydd Iau (Chwefror 13).

Ymhlith y gweinidogion blaenllaw sydd wedi mynd mae Sajid Javid a oedd wedi ymddiswyddo fel Canghellor ar ôl cael gorchymyn i ddiswyddo ei brif ymgynghorwyr fel bod ymgynghorwyr oedd wedi cael eu dewis gan Rif 10 yn cymryd eu lle.

Fe benderfynodd Sajid Javid roi’r gorau i’w swydd yn lle a chafodd ei gyn-ddirprwy yn y Trysorlys, Rishi Sunak, ei benodi yn ei le.

Dywedodd Sajid Javid bod y Prif Weinidog yn gosod amodau y byddai “unrhyw weinidog gyda hunan-barch” yn gwrthod.

Daw’r newidiadau llai na mis cyn cyhoeddi’r Gyllideb ac mae’n dilyn tensiynau rhwng y cyn-ganghellor a phrif ymgynghorydd y Prif Weinidog, Dominic Cummings.

Ym mis Awst roedd Dominic Cummings wedi diswyddo Sonia Khan, ymgynghorydd Sajid Javid, ac mae’n ymddangos bod Rhif 10 eisiau mynd ymhellach er mwyn cadw llygad arno.

Rishi Sunak yw’r trydydd Canghellor o fewn blwyddyn.

Ymhlith y diswyddiadau eraill roedd Julian Smith fel Ysgrifennydd Gogledd Iwerddon, Andrea Leadsom fel Ysgrifennydd Busnes, Theresa Villiers fel yr Ysgrifennydd Amgylchedd a Geoffrey Cox wedi colli ei swydd fel Twrne Cyffredinol. Cafodd Esther McVey hefyd ei diswyddo fel y gweinidog tai.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn