Gwahardd cerbydau petrol a disel 3 blynedd ynghynt?

 

Mae’r Ysgrifennydd Trafnidiaeth wedi awgrymu y gall gwaharddiad ar werthu ceir petrol, disel a hybrid newyd ddod i rym ymhen 12 mlynedd – dair blynedd ynghynt na’r disgwyl.

Cyhoeddodd Boris Johnson yr wythnos diwethaf fwriad y Llywodraeth i gyflwyno’r gwaharddiad erbyn 2035, ond mae’r Ysgrifennydd Trafnidiaeth, Grant Shapps, wedi awgrymu y gall hyn ddigwydd mor gynnar â 2032.

Arweiniodd cyhoeddiad y Prif Weinidog yr wythnos ddiwethaf at brotestiadau gan wneuthurwyr ceir, ond wrth siarad â BBC Radio 5 Live dywedodd Grant Shapps fod y Llywodraeth yn buddsoddi tua £1.5 biliwn er mwyn annog pobol i newid o geir betrol a disel.

“Mae gennym ni gynhyrchwyr ceir domestig ac rydyn ni am eu helpu i drosglwyddo,” meddai.

“Mae’r Prif Weinidog yr wythnos diwethaf wedi dweud yr hoffem wneud hynny erbyn 2035 fan bellaf.

“Rydyn ni wedi dweud 2035 neu hyd yn oed 2032.”

“Helpu’r wlad i drawsnewid”

“Bellach mae mwy o leoliadau gwefru cyhoeddus na gorsafoedd petrol yn y wlad hon, ac rydyn ni am helpu’r wlad i drawsnewid”.

Nod y Llywodraeth yw annog gyrwyr i newid i gerbydau trydan er mwyn cyrraedd ei nod o gynhyrchu dim allyriadau erbyn 2050.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones