Penodi Ofcom i reoli diogelwch ar-lein

 

Nicky Morgan, yr Ysgrifennydd Diwylliant

Mae disgwyl i’r Llywodraeth benodi’r rheolydd darlledu Ofcom i reoli diogelwch ar-lein, gan roi iddo’r gallu i ddirwyo cwmnïau cyfryngau cymdeithasol sydd ddim yn gwarchod eu defnyddwyr rhag cynnwys niweidiol.

Dywed yr Ysgrifennydd Diwylliant Nicky Morgan a’r Ysgrifennydd Cartref Priti Patel bod rôl bresennol Ofcom fel rheolydd yn ei wneud yn addas i orfodi rheolau sy’n cadw’r rhyngrwyd yn saff.

Mae hyn yn dilyn papur gwyn gan y Llywodraeth y llynedd ar niwed ar-lein a oedd yn galw am roi dyletswydd gorfodol ar gwmnïau ar-lein i warchod ei defnyddwyr rhag deunydd niweidiol.

Roedd ymgynghoriad i’r papur gwyn yn awgrymu defnyddio rheolydd i osod dirwyon ar wefannau sydd wedi methu gwarchod eu defnyddwyr rhag deynydd niweidiol, fel fideos o drais neu gam-drin plant.

Dywed Nicky Morgan: “Gyda Ofcom wrth y llyw mae gennym ni gyfle gwych i arwain y ffordd wrth adeiladu economi ddigidol sy’n ffynnu.

“Fe fydd yn cael ei harwain gan dechnoleg y gallwn ei ymddiried ynddo i gadw pawb yn y Deyrnas Unedig yn saff ar-lein.”

Ychwanegodd prif weithredwr dros dro Ofcom, Jonathan Oxley: “Rydym yn rhannu uchelgais y Llywodraeth i gadw pawb yn saff ar-lein ac yn croesawu eu bod nhw wedi dewis Ofcom fel y rheolydd diogelwch ar-lein.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones