Ysgrifennydd Cyllid yr Alban yn ymddiswyddo ar ddiwrnod y Gyllideb

Diweddarwyd  

Senedd yr Alban

Mae Ysgrifennydd Cyllid yr Alban wedi ymddiswyddo ar ôl wynebu honiadau iddo anfon cannoedd o negeseuon at fachgen 16 oed.

Roedd disgwyl i Derek Mackay, Aelod Gogledd a Gorllewin Swydd Renfrew yn Senedd yr Alban, gyhoeddi cyllideb llywodraeth yr Alban ar gyfer y flwyddyn ariannol nesaf heddiw.

Yn ôl y papur newydd The Scottish Sun, roedd y dyn 42 oed wedi dod yn ffrindiau gyda’r bachgen ar Facebook ar Instagram. Roedd wedi bod yn cysylltu â’r bachgen dros gyfnod o chwe mis ac wedi cynnig mynd ag ef i gêm rygbi ac allan i ginio.

Roedd mam y bachgen wedi galw ar brif weinidog yr Alban, Nicola Sturgeon, i’w ddiswyddo.

Derbyn ei ymddiswyddiad

Wrth dderbyn ymddiswyddiad Derek Mackay, meddai Nicola Sturgeon:

“Mae Derek yn cymryd cyfrifoldeb llawn am ei weithredoedd ac mae’n ymddiheuro’n ddiamwys i’r unigolyn ac i’r rheini mae wedi eu gadael i lawr

“Mae wedi cyflwyno ei ymddiswyddiad fel gweinidog llywodraeth, a dw i wedi derbyn yr ymddiswyddiad.

“Mae Derek wedi gwneud cyfraniad sylweddol i’r llywodraeth, fodd bynnag, mae’n cydnabod bod ei ymddygiad wedi methu â chyfarfod y safonau angenrheidiol.

“Bydd y gweinidog cyllid cyhoeddus, Kate Forbes, yn cyflwyno cyllideb Llywodraeth yr Alban heddiw.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones