Galw am ymchwiliad i driniaeth Boris Johnson o’r wasg

 

Boris Johnson

Llun: Swyddfa Dramor a’r Gymanwlad trwy Flickr

Mae Keir Starmer, yr aelod seneddol Llafur, yn galw ar bennaeth y gwasanaeth sifil i ymchwilio i driniaeth Boris Johnson o’r wasg.

Yn ei lythyr at Ysgrifennydd y Cabinet, dywedodd Syr Keir Starmer, sydd hefyd yn y ras i olynu Jeremy Corbyn fel arweinydd y Blaid Lafur, fod “gwahardd y cyfryngau rhag mynychu sesiynau briffio am faterion pwysig y Llywodraeth yn niweidiol i ddemocratiaeth”.

“Mae hefyd yn tanseilio gallu’r gwasanaeth sifil i gydymffurfio â’i werthoedd craidd sef uniondeb, gwrthrychedd a didueddrwydd,” meddai.

Mae hefyd wedi gofyn i Ysgrifennydd y Cabinet i ymchwilio i’r mater ar frys “er mwyn cael sicrwydd na fydd digwyddiad o’r fath yn digwydd eto”.

Gwahoddodd David Frost, prif ymgynghorydd prif weinidog Prydain, y wasg i Downing Street ddydd Llun, ond gwrthodwyd mynediad i rai newyddiadurwyr.

Cerddodd yr holl newyddiadurwyr a oedd yn bresennol allan yn hytrach na derbyn y briff.

“Tactegau tebyg i Donald Trump”

“Mae’n destun pryder, ac yn ymddangos bod Boris Johnson yn defnyddio tactegau tebyg i Donald Trump er mwyn cuddio rhag craffu,” meddai Tracy Brabin, llefarydd diwylliant Llafur yn San Steffan.

Dywedodd llefarydd ar ran Rhif 10 mai “nonsensens” oedd awgrymu bod newyddiadurwyr wedi eu heithrio oherwydd eu gwleidyddiaeth, gan fod oddeutu wyth neu naw sefydliad “ar draws y sbectrwm gwleidyddol” wedi eu gwahodd i’r sesiwn.

“Rydym yn cadw’r hawl i friffio newyddiadurwyr yr ydym yn eu dewis, pryd bynnag y dymunwn,” meddai.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn