“Dim angen” i’r Deyrnas Unedig ddilyn rheolau Brwsel, medd Boris Johnson

Diweddarwyd am  

Mae Boris Johnson wedi bygwth gadael yr Undeb Ewropeaidd heb gytundeb masnach Brexit yn hytrach na derbyn eu rheolau.

Mae’r Prif Weinidog wedi defnyddio ei araith heddiw (dydd Llun, Chwefror 3) i ddatgan “nad oes angen” i’r Deyrnas Unedig ddilyn rheolau Brwsel.

Ond mae’n debyg y bydd prif drafodwr yr Undeb Ewropeaidd, Michel Barnier, yn pwysleisio bod unrhyw gamau pellach gan Brydain oddi wrth fodel yr Undeb Ewropeaidd yn ei gwneud hi’n anoddach i fasnachu.

Mae’r Undeb Ewropeaidd eisiau “tegwch i bawb”, gyda’r Deyrnas Unedig yn cytuno i gynnal safonau ar faterion megis yr amgylchedd a hawliau gweithwyr.

Ond mae Boris Johnson yn pwyso am gael cytundeb masnach rydd debyg i Ganada – gyda’r opsiwn o gytundeb mwy cyfyngedig tebyg i Awstralia wrth gefn – sydd wedi cael ei alw’n “dim cytundeb i bob pwrpas” gan wrthwynebwyr.

Masnach rydd

Dywed y Prif Weinidog: “Does dim angen i gytundeb fasnach rydd olygu gorfod derbyn rheolau’r Undeb Ewropeaidd ar bolisi cystadleuaeth, cymhorthdal, gwarchodaeth gymdeithasol, yr amgylchedd, neu unrhyw beth o’r fath, yn fwy na ddylai’r Undeb Ewropeaidd dderbyn rheolau’r Deyrnas Unedig.”

Yn ôl y Telegraph, bydd Michel Barnier yn mynnu bod y Deyrnas Unedig yn cytuno i dderbyn rheolau’r Undeb Ewropeaidd ar safonau oherwydd ei “agosrwydd daearyddol a’u cyd-ddibyniaeth economaidd”, yn ogystal â’r bygythiad o “gystadleuaeth annheg.”

Mae’r Deyrnas Unedig wedi dechrau cyfnod trawsnewidiad o 11 mis lle nad oes gan y wlad gynrychiolaeth ym Mrwsel ond yn dal i ddilyn rheolau’r Undeb Ewropeaidd nes bod cytundeb ar berthynas newydd yn cael ei gyflawni.

Mae’n bosib na fydd trafodaethau ffurfiol yn dechrau tan fis Mawrth, gan fod 27 aelod yr Undeb Ewropeaidd angen cytuno ar safle i’w gymryd ar y cyd.

 

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones