Boris Johnson am gyhoeddi “newidiadau hanfodol” i daclo brawychiaeth

Diweddarwyd am  

Boris Johnson

Llun: Swyddfa Dramor a’r Gymanwlad trwy Flickr

Mae Boris Johnson wedi dweud y bydd yn cyhoeddi cynlluniau pellach heddiw [dydd Llun, Chwefror 3] am “newidiadau hanfodol” wrth ddelio gydag unigolion sydd wedi eu cael yn euog o frawychiaeth.

Wedi  ymosodiadau London Bridge, mynnodd y Prif Weinidog fod angen newid y system gan ddweud: “Os ydych chi’n eich cael yn euog o drosedd ddifrifol, dylai bod dedfryd o 14 mlynedd o leiaf – a rhai byth i’w rhyddhau.”

Ychwanegodd y “dylai’r drwgweithredwyr yma gael eu carcharu am bob dydd o’u dedfryd, a dim eithriadau.”

Yn fuan wedi’r ymosodiadau ym mis Rhagfyr, dangosodd ffigurau’r Swyddfa Gartref a ddadansoddwyd gan Asiantaeth Newyddiaduraeth PA, fod mwy ‘na 350 o frawychwyr a gafwyd yn euog ac a oedd yn cael eu hamau, wedi cael eu rhyddhau dros y saith mlynedd flaenorol.

Ar ôl yr ymosodiadau gan y brawychwr Usman Khan ym mis Tachwedd, dywedodd Boris Johnson fod Brexit wedi tynnu sylw’r Llywodraeth oddi ar y pwnc, ac nad oedden nhw wedi llwyddo i wneud y newidiadau hanfodol oedd eu hangen er mwyn cadw troseddwyr treisgar a brawychwyr yn y carchar am gyfnodau hirach.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones