Rhybudd am gyffur ar ôl i ddyn ifanc farw

 
Tabledi

Llun parth cyhoeddus CC0

Mae dyn 19 oed wedi marw a dynes 22 oed yn ddifrifol wael yn yr ysbyty ar ôl amheuaeth eu bod nhw wedi cymryd y cyffur MDMA mewn digwyddiad myfyrwyr.

Dywed yr heddlu fod amryw o bobl eraill wedi cael eu cymryd i’r ysbyty “yn dioddef effeithiau niweidiol” ar ôl bod mewn digwyddiad drwm a bas yn Leamington, Swydd Warwick.

Mae ditectifs yn amau bod y llanc wedi cymryd “pilsen goch o siâp hecsagon o’r enw Red Bull” ac maen nhw’n bryderus y gallai eraill fod wedi’i chymryd.

Cafodd y plismyn eu galw tua 5 o’r gloch fore heddiw i ymateb i adroddiad bod dyn ifanc yn ddifrifol wael. Fe fu farw’n ddiweddarach yn yr ysbyty.

Meddai’r Ditectif Uwcharolygydd Pete Hill o Heddlu Swydd Warwick:

“Er nad yw achos y farwolaeth wedi’i gadarnhau, rydym yn cadw meddwl agored ai’r bilsen wedi achosi adwaith drwg neu gor-ddos sy’n gyfrifol.

“Felly rydym yn cynghori unrhyw un arall sydd wedi cymryd y cyffur i geisio cyngor meddygol. Rydym yn gofyn hefyd i unrhyw un sydd wedi brynu unrhyw bils ond heb eu cymryd nhw eto i gael gwared â nhw mewn ffordd ddiogel.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn