Pennaeth Sainsbury’s am gamu o’r neilltu

 

Fe fydd Mike Coupe, pennaeth archfarchnad Sainsbury’s, yn gadael ei swydd ym mis Mai ar ôl chwe blynedd wrth y llyw.

Bydd Simon Roberts, cyfarwyddwr manwerthu a gweithrediadau’r archfarchnad, yn ei olynu ac yn dechrau ar ei waith ym mis Mehefin.

Yn ystod cyfnod Mike Coupe yn bennaeth, fe fu’n gyfrifol am brynu Argos a Habitat ond hefyd am arwain yr ymgais aflwyddiannus i uno ag Asda.

Mae wedi ildio’i hawl i ennill bonws ariannol yn y dyfodol ar ôl i’r flwyddyn bresennol ddod i ben, ynghyd â chanran o’i gyflog o £962,000.

Bydd Simon Roberts yn ennill cyflog o £875,000 – 9% yn llai na’i ragflaenydd – ac fe fydd y cwmni’n cyfrannu 7.5% at ei bensiwn.

Roedd yr archfarchnad yn cyfrannu 30% at bensiwn Mike Coupe, oedd yn cael ei adnabod am dorri swyddi a haenau o reolwyr.

Mae’n gadael ar ôl achosi ffrae wrth gael ei ffilmio’n canu’r gân “We’re in the Money” wrth geisio prynu Asda, oedd wedi tynnu allan o’r trafodaethau yn fuan wedyn.

Roedd galwadau am iddo gael ei ddiswyddo, ond fe gafodd aros yn ei swydd.

Ymunodd Simon Roberts â Sainsbury’s ar ôl bod yn llywydd Boots UK ac yn un o reolwyr M&S rhwng 1993 a 2003.

 

Arian a Busnes

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones