Stormont yn gwrthod cynllun Brexit Boris Johnson

 
Llun o adeilad Stormont

Stormont

Llun: Johndmcdonald CC SA 3.0 trwy Commons Wicimedia

Mae’r llywodraeth ddatganoledig yn Belfast wedi gwrthod cynllun Brexit Boris Johnson.

Cafodd y cynllun ei wrthod wedi trafodaeth ar y mater am bron i dair awr yng Ngogledd Iwerddon.

Dyma un o’r brif ddadleuon i gael eu cynnal yn Stormont ers i’r llywodraeth ddatganoledig gael ei hadfer yn gynharach y mis hwn ar ôl bod yn segur am dair blynedd.

Mae dwy brif blaid y llywodraeth, y DUP a Sinn Fein, yn gwrthwynebu cynllun ymadael yr Undeb Ewropeaidd am resymau gwahanol.

Dywedodd dirprwy brif weinidog Sinn Fein Michelle O’Neill: “Mae’n rhaid i ni weithio gyda’n gilydd i orchfygu’r heriau sydd wedi cael eu gorfodi arnom ni oherwydd Brexit.

“Nid yw’r Cynulliad yma wedi rhoi caniatâd i Lywodraeth Prydain ddeddfwriaethu ar ein rhan.”

Ni fydd penderfyniad yr aelodau yn effeithio bwriad y Llywodraeth i adael yr Undeb Ewropeaidd (UE) ar ddiwedd y mis.

Mae’r DUP, ar y cyfan, o blaid Brexit ond mae’n gwrthwynebu cynllun Boris Johnson oherwydd pryderon y gallai orfodi system dollau ar nwyddau sy’n teithio rhwng Cymru, Lloegr a’r Alban a Gogledd Iwerddon.

Mae cenedlaetholwyr a busnesau’n awyddus i sicrhau bod y ffin yn Iwerddon yn parhau ar agor ac mae’r rhan fwyaf o blaid aros o fewn yr UE.

The DUP is largely pro-Brexit, but opposes Prime Minister Boris Johnson’s plan over fears it could impose customs checks on goods travelling between England, Scotland or Wales and Northern Ireland.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones