Amgylcheddwyr yn ceisio atal torri coed

 
Coeden hynafol

Coeden hynafol

Llun trwy law Coed Cadw

Mae protestwyr amgylcheddol yn ceisio rhwystro coed rhag cael eu torri i lawr fel rhan o brosiect rheilffordd gyflym HS2.

Dywed y mudiad Extinction Rebellion eu bod yn disgwyl cannoedd o amddiffynwyr coed i bicedu yn ardal Colne Valley yng ngorllewin Llundain y penwythnos yma. Yn ôl y mudiad, mae’r safle’n gartref i filoedd o rywogaethau o blanhigion a bywyd gwyllt.

Er eu bod nhw’n hawlio buddugoliaeth fawr nad oes unrhyw arwyddion o dorri coed hyd yma, dywed y cwmni sy’n gyfrifol am HS2 nad oedd bwriad i dorri coed y penwythnos yma prun bynnag.

Dywed Extinction Rebellion fod eu haelodau’n benderfynol o rwystro pob ymgais gan HS2 i dorri coed lle bynnag mae hyn yn digwydd.

Mae’r protestiadau’n dilyn adroddiad a gyhoeddwyd gan y Gymdeithas Ymddiriedolaethau Natur yn gynharach yr wythnos yma sy’n dweud y bydd HS2 yn dinistrio llu o gynefinoedd naturiol na fydd modd eu hadfer, gan gynnwys 108 o goetiroedd hynafol.

Roedd yr adroddiad yn pwyso ar y Llywodraeth i aros ac ailfeddwl am y prosiect, yr amcangyfrifir y bydd yn costio £88 biliwn.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones