Busnesau’n rhybuddio y gall prisiau godi yn sgil Brexit

Diweddarwyd am  

(Llun Parth Cyhoeddus)

Mae busnesau wedi rhybuddio y gall prisiau godi os na fydd llywodraeth Prydain yn cydymffurfio â rheoliadau’r Undeb Ewropeaidd ar ôl Brexit.

Roedden nhw’n ymateb i sylwadau gan y Canghellor Savid Javid y bydd busnesau’n gorfod addasu i reoliadau annibynnol gan Brydain – pryd y gwnaeth gydnabod na fyddai pob busnes yn elwa.

Meddai prif weithredwr y Ffederasiwn Bwyd a Diod, Tim Rycroft:

“Fe fydd hyn yn peri pryder mawr i wneuthurwyr bwyd a diod. Mae awgrym y Canghellor yn gyfystyr â diwedd ar fasnachu di-rwystr.

“Fe fydd yn golygu y bydd yn rhaid i fusnesau addasu i wiriadau, prosesau a gweithdrefnau costus a newydd, a fydd yn gweithredu fel rhwystr i fasnach gyda’r Undeb Ewropeaidd a gall yn hawdd arwain at godiadau mewn prisau.”
Yr un oedd neges Cydffederasiwn Diwydiant Prydain (CBI).

“I lawer o gwmnïau, mae cysondeb mewn rheoliadau yn cefnogi swyddi ac yn eu helpu i fod yn gystadleuol – yn enwedig yn rhai o ranbarthau mwyaf difreintiedig Prydain.”

Dywedodd arweinydd dros dro y Democratiaid Rhyddfrydol, Ed Davey, ei fod yn hen bryd i’r Canghellor wrando ar ddiwydiant.

“Mae’r prif ddiwydiannau ledled y wlad wedi ei gwneud yn glir dro ar ôl tro bod cysondeb rheoliadau ledled Ewrop wedi bod yn llwyddiant wrth helpu creu a chynnal miliynau o swyddi,” meddai.

“Mae peryglu hyn i gyd er mwyn amcanion ideolegol pur yn gwbl anghyfrifol.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones