Y Tywysogion William a Harry yn beirniadu erthygl “sarhaus a niweidiol”

Diweddarwyd am  

Y Tywysog Harry

Llun: Suzanne Plunkett (oddi ar Flickr) CC BY 2.0 (Llun wedi’i docio)

Mae Dug Caergrawnt a Dug Sussex wedi rhyddhau datganiad ar y cyd, yn beirniadu erthygl “ymfflamychol a niweidiol” mewn papur newydd am berthynas y ddau frawd.

Daeth sylwadau’r Tywysogion William a Harry wedi i’r Frenhines alw am gyfarfod brys yn Sandringham i drafod dyfodol Harry a’i wraig Meghan Markle, wedi iddyn nhw gyhoeddi wythnos ddiwethaf eu bod eisiau camu nôl o’u dyletswyddau brenhinol.

Doedd y datganiad ddim yn enwi’r papur newydd ond mae gan y Times erthygl dudalen flaen am yr argyfwng, sy’n honni bod Harry a Meghan Markle “yn teimlo eu bod wedi cael eu gwthio i’r neilltu gan beth oedden nhw’n ei weld fel bwlio gan Ddug Caergrawnt.”

Dywedodd datganiad ar y cyd ar ran y tywysogion bod y brodyr, “sy’n ymwneud cymaint â materion iechyd meddwl, yn credu bod y defnydd o’r iaith yn yr erthygl yn ymfflamychol, sarhaus ac y gallai fod yn niweidiol.”

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn