Trafodaethau brys rhwng y Tywysog Harry a’r Frenhines yn Sandringham

Diweddarwyd am  

Y Frenhines Elizabeth II

Llun: Y Swyddfa Dramor ar Flickr

Fe fydd Dug Sussex yn cyfarfod â’r Frenhines heddiw (Dydd Llun, Ionawr 13) wrth i’r teulu brenhinol geisio gwneud trefniadau ynghylch dyfodol Harry a Meghan Markle.

Y cyfarfod yn Sandringham  fydd y tro cyntaf i’r Tywysog Harry gyfarfod aelodau o’i deulu, gan gynnwys y Tywysog Charles a Dug Caergrawnt, ers iddo ef a’i wraig, Meghan Markle, gyhoeddi eu bod yn bwriadu camu yn ôl fel aelodau blaenllaw o’r teulu brenhinol ac ennill eu bywoliaeth eu hunain.

Mae Meghan Markle gyda’i mab Archie yng Nghanada, ond mae hi’n debygol o ymuno â’r drafodaeth dros y ffôn.

Dyw hi ddim yn glir faint o’r gloch mae’r teulu’n bwriadu cyfarfod, a pha mor hir fydd y cyfarfod yn parhau i geisio datrys y sefyllfa.

Ond mae son fod rhai ym Mhalas Buckingham yn poeni y gallai Dug a Duges Sussex gynnal cyfweliad teledu a fyddai’n niweidiol i’r teulu brenhinol os nad ydyn nhw’n cwrdd a’u gofynion.

Mewn erthygl yn y Sunday Times, dywedodd Tom Bradby – sy’n ffrind i’r Tywysogion Harry a William: “Mae gen i ryw syniad o beth allai gael ei drafod mewn cyfweliad, a dw i’n meddwl y gallai fod reit hyll.”

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones