Boris Johnson a’r Taoiseach yn cwrdd â gwleidyddion Gogledd Iwerddon

Diweddarwyd am  
Llun o adeilad Stormont

Stormont

Llun: Johndmcdonald CC SA 3.0 trwy Commons Wicimedia

Fe fydd y Prif Weinidog a’r Taoiseach yn cwrdd â gwleidyddion Gogledd Iwerddon ym Melffast ddydd Llun (Ionawr 13) .

Mae disgwyl i Boris Johnson a Leo Varadkar gynnal trafodaethau gyda’r Prif Weinidog Arlene Foster o’r DUP a’r dirprwy Brif Weinidog, Michelle O’Neill, o Sinn Fein yn Stormont.

Daw’r cyfarfod yn sgil cytundeb i adfer y llywodraeth ddatganoldedig, sydd wedi bod yn segur ers tair blynedd.

Fe fydd Boris Johnson yn wynebu cwestiynau ynglŷn â’r addewidion o arian ychwanegol a gafodd eu gwneud gan Lywodraeth San Steffan fel rhan o’r ymdrech i sicrhau bod y cytundeb, “Degawd Newydd, Agwedd Newydd”, yn cael ei gymeradwyo.

“Cyfnod hanesyddol”

Roedd Ysgrifennydd Gogledd Iwerddon Julian Smith wedi addo buddsoddiad sylweddol i leddfu’r problemau yng ngwasanaethau cyhoeddus y rhanbarth, ond roedd wedi gwrthod cadarnhau faint o arian fyddai’n cael ei roi nes bod y cytundeb wedi’i sicrhau.

Dywedodd Boris Johnson y byddai’r trafodaethau yn Stormont yn canolbwyntio ar y modd roedd y llywodraeth ddatganoldedig yn bwriadu symud ymlaen gyda “diwygiadau hanfodol” i wasanaethau cyhoeddus.

“Mae hyn yn gyfnod hanesyddol i bobol Gogledd Iwerddon,” meddai’r Prif Weinidog cyn ei ymweliad.

Daeth y llywodraeth glymblaid, oedd yn cael ei harwain gan y DUP a Sinn Fein, i ben ym mis Ionawr 2017 yn dilyn ffrae dros gynllun ynni gwyrdd a’r iaith Wyddelig.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones