Cyhoeddi enw arweinydd newydd Llafur ar Ebrill 4

Diweddarwyd am  
Papur pleidleisio'n cael ei roi yn y blwchMichael Swan (CCA3.0)

Fe fydd arweinydd newydd Llafur yn cael ei gyhoeddi mewn cynhadledd arbennig ar Ebrill 4, meddai’r blaid.

Cafodd yr amserlen ar gyfer y ras i benodi olynydd i Jeremy Corbyn ei gytuno mewn cyfarfod o Bwyllgor Cenedlaethol y blaid (NEC) ddydd Llun (Ionawr 6).

Dywedodd llefarydd ar ran y blaid y byddai’r bleidlais bost o aelodau yn cael ei chynnal rhwng Chwefror 21 ac Ebrill 2.

Ychwanegodd eu bod yn awyddus i gymaint a phosib o’u haelodau a chefnogwyr gymryd rhan ac y bydd y bleidlais yn “un agored, teg a democrataidd.”

Fe fydd yn rhaid i’r ymgeiswyr sicrhau enwebiadau gan o leiaf 10% (22) o Aelodau Seneddol ac Aelodau Seneddol Ewropeaidd y blaid cyn mynd ymlaen i ail ran y gystadleuaeth.

Fe fydd yr un rheolau ac amserlen yn cael eu defnyddio yn y gystadleuaeth i ddewis olynydd i Tom Watson, y dirprwy arweinydd.

Mae pum ymgeisydd wedi ymuno yn y ras am arweinyddiaeth Llafur hyd yn hyn – Syr Keir Starmer, Emily Thornberry, Clive Lewis, Jess Phillips a Lisa Nandy.

Mae disgwyl hefyd i ysgrifennydd busnes yr wrthblaid Rebecca Long-Bailey ymuno yn y ras.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones