Caroline Flack yn gwadu ymosod ar ei chariad

Diweddarwyd am  

Llun: www.pixs.com

Mae cyflwynydd y rhaglen Love Island, Caroline Flack, wedi gwadu ymosod ar ei chariad, wrth iddi ymddangos gerbron ynadon heddiw (dydd Llun, Rhagfyr 23).

Honnir bod Caroline Flack, 40, wedi taro Lewis Burton, 27, ar ei ben gyda lamp gan achosi anaf difrifol i’w ben.

Clywodd Llys Ynadon Highbury heddi bod yr ymosodiad honedig wedi digwydd ar ôl iddi ddod o hyd i negeseuon testun ar ei ffon tra ei fod yn cysgu, gan arwain iddi feddwl ei fod yn cael perthynas â rhywun arall.

Ond mae Lewis Burton wedi gwrthod cefnogi’r erlyniad ac yn gwadu ei fod yn ddioddefwr, clywodd y llys.

Cafodd Caroline Flack ei rhyddhau ar fechnïaeth ar yr amod nad yw’n cysylltu gyda Lewis Burton cyn yr achos ar Fawrth 4.

“Perthynas”

Dywedodd Paul Morris ar ran yr amddiffyniad: “Maen nhw wedi bod mewn perthynas drwy gydol y flwyddyn ac mae e yn y llys heddiw i’w chefnogi ac maen nhw’n parhau i fod yn gwpl.”

Roedd Caroline Flack wedi pledio’n ddieuog i gyhuddiad o ymosod. Fe ddigwyddodd yr ymosodiad honedig yn ei fflat yn Islington yn Llundain ar Ragfyr 12. Yn ôl yr erlyniad roedd y ddau wedi’u gorchuddio a gwaed pan gyrhaeddodd yr heddlu.

Mae Caroline Flack wedi camu o’i swydd fel cyflwynydd y gyfres newydd o Love Island a fydd yn cael ei ffilmio yn Ne Affrica ym mis Ionawr. Fe fydd Laura Whitmore yn cymryd ei lle.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn