Boris Johnson fydd “sarjant recriwtio” yr SNP, meddai Yes Scotland

 
Refferendwm yr Alban

Annibyniaeth i’r Alban

Llun: Geograph

Boris Johnson fydd “sarjant recriwtio” yr SNP os yw’n parhau i wrthod yr hawl i’r Alban gynnal ail refferendwm annibyniaeth, yn ôl mudiad Yes Scotland.

Mae prif weinidog Prydain eisoes yn dweud na fydd yr Alban yn cael yr hawl i gynnal refferendwm arall yn ystod y cyfnod seneddol presennol.

Ond mae Dennis Canavan, cyn-aelod seneddol Albanaidd, yn rhybuddio y gallai pleidiau o blaid annibyniaeth ennill mwyafrif o seddi Holyrood yn etholiadau 2021 oni bai ei fod yn ildio i’r galwadau.

Mae Nicola Sturgeon, prif weinidog yr Alban, eisoes wedi ysgrifennu at Boris Johnson yn gofyn am yr hawl i gynnal refferendwm arall.

Enillodd yr SNP 47 allan o 59 o seddi yn yr Alban yn yr etholiad cyffredinol.

“Daeth Senedd yr Alban yn realiti er gwaethaf Margaret Thatcher,” meddai Dennis Canavan wrth bapur newydd y Scotland on Sunday.

“Yn yr un modd, bydd annibyniaeth i’r Alban yn dod yn realiti er gwaethaf Boris Johnson.

“Os yw Boris Johnson yn parhau i ystyfnigo, fe fyddai’n sarjant recriwtio i achos annibyniaeth ac yn sicrhau bod etholiadau 2021 yn Senedd yr Alban yn creu mwyafrif hyd yn oed yn fwy o aelodau seneddol o blaid Indyref2.”

Mae’n cyhuddo’r pleidiau unoliaethol o “dreulio gormod o amser yn ymgyrchu’n negyddol a cheisio wfftio achos annibyniaeth”.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn