Trafodaethau Stormont i ddechrau eto

 
Llun o adeilad Stormont

Stormont

Llun: Johndmcdonald CC SA 3.0 trwy Commons Wicimedia

Mae disgwyl i’r trafodaethau i geisio sefydlogrwydd yn Stormont ddechrau eto’r wythnos hon.

Yn ôl Julian Smith, Ysgrifennydd Gogledd Iwerddon, mae arweinwyr pob un o brif bleidiau’r wlad wedi dangos parodrwydd i gymryd rhan yn y trafodaethau i ddod â chyfnod ansefydlog i ben.

Ac mae’n ymddangos y bydd yntau hefyd yn parhau yn ei swydd yn dilyn yr etholiad cyffredinol.

“Galwadau da gydag arweinwyr pob un o’r pum plaid fore heddiw,” meddai ar ei dudalen Twitter.

“Edrych ymlaen at ddechrau proses bositif yfory i gael Stormont yn ôl ar ei thraed.”

Cefndir

Dydy’r pleidiau ddim wedi cyfarfod yn Stormont ers dros 1,000 o ddiwrnodau yn sgil ffrae rhwng pleidiau Sinn Fein a’r DUP tros faterion megis yr iaith Wyddeleg a gwaharddiad ar briodasau o’r un rhyw.

Mae’r ddwy blaid wedi colli poblogrwydd yn sgil y ffrae, ac fe ddaeth hynny’n amlwg yn yr etholiad cyffredinol.

Ymhlith y gwleidyddion amlycaf i golli eu seddi roedd Nigel Dodds, dirprwy arweinydd y DUP.

Ac fe gipiodd yr SDLP nifer o seddi oddi ar y blaid hefyd.

Mae’r DUP a Sinn Fein eisoes wedi dangos parodrwydd i gynnal trafodaethau o’r newydd.

Yn ôl Julian Smith, fe fydd etholiad yn Stormont os na fydd cytundeb erbyn Ionawr 13.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones