“Dim ail refferendwm annibyniaeth,” meddai Michael Gove

 
Refferendwm yr Alban

Annibyniaeth i’r Alban

Llun: Geograph

Mae Michael Gove wedi ategu sylwadau Boris Johnson, prif weinidog Prydain, na fydd y Ceidwadwyr yn rhoi caniatâd i’r Alban gynnal ail refferendwm annibyniaeth.

Daw’r sylw ar ôl i Nicola Sturgeon, prif weinidog yr Alban, rybuddio na all Llywodraeth Prydain “garcharu’r Alban mewn Undeb yn erbyn ei hewyllys”.

Yn ôl Michael Gove, refferendwm “unwaith mewn cenhedlaeth” oedd y refferendwm yn 2014 ac nad yw safbwynt y Ceidwadwyr yn mynd i newid.

Ac mae’n dweud na fydd canlyniadau etholiad Holyrood yn 2021 yn cael unrhyw ddylanwad ar hynny.

Wrth ymateb, mae Nicola Sturgeon yn cyhuddo’r Ceidwadwyr o “wylltio yn erbyn realiti”, gan fynnu bod gan yr SNP fandad i gynnal refferendwm arall ar ôl codi nifer eu haelodau seneddol i 47.

“Dywedwyd wrthym yn 2014 mai dewis am genhedlaeth fyddai hwn, a dydyn ni ddim am gael refferendwm annibyniaeth i’r Alban,” meddai Michael Gove wrth raglen Sophy Ridge on Sunday.

‘Pwynt democrataidd cwbl sylfaenol’

Mae Nicola Sturgeon yn dweud nad dyma fydd diwedd y mater, wrth gyfeirio at sgwrs gafodd hi â Boris Johnson ar ôl i’r Ceidwadwyr ennill yr etholiad cyffredinol.

“Os yw e’n credu – ac fe ddywedais i hyn wrtho fe ar y ffôn nos Wener – mai dweud na yw diwedd y mater, yna fe fydd e’n darganfod ei fod e’n gwbl anghywir,” meddai wrth raglen Andrew Marr ar y BBC.

“Mae’n bwynt democrataidd cwbl sylfaenol.

“Allwch chi ddim dal yr Alban yn yr Undeb yn erbyn ei hewyllys.

“Allwch chi ddim jyst ein cloi ni mewn cwpwrdd a throi’r allwedd, a gobeithio bod popeth yn mynd i ffwrdd.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones