Cyhuddo Boris Johnson o ddweud celwydd ynghylch mewnfudo

Diweddarwyd am  

Boris Johnson

Llun: Swyddfa Dramor a’r Gymanwlad trwy Flickr

Mae Boris Johnson, prif weinidog Prydain, yn cael ei gyhuddo o ddweud celwydd ynghylch system mae’n awyddus i’w chyflwyno er mwyn lleihau nifer y mewnfudwyr sy’n dod i wledydd Prydain.

Mae e am weld system bwyntiau newydd yn debyg i’r hyn sy’n bodoli yn Awstralia.

Byddai’n cwtogi nifer y mewnfudwyr fyddai’n cael yr hawl i aros yng ngwledydd Prydain.

Pobol addysgiedig ac mewn swyddi fel meddygon, nyrsys, gofalwyr cymdeithasol a phobol fusnes ac entrepreneuriaid fyddai’n cael y flaenoriaeth o dan y drefn sy’n cael ei chynnig.

Byddai cynnig arbennig i gael mynediad brys hefyd i bobol sydd am ddod i weithio ym maes iechyd.

Mae Boris Johnson yn dweud y byddai ei gynnig yn gweld nifer y mewnfudwyr yn gostwng.

Wfftio

Ond mae Jonathan Ashworth, llefarydd iechyd Llafur, yn cyhuddo Boris Johnson o “gamarwain” pleidleiswyr.

Mae’n dweud na fyddai gan y Ceidwadwyr reolaeth dros y nifer o fewnfudwyr oherwydd bod cynlluniau ar y gweill i sefydlu pwyllgor annibynnol i ymgymryd â’r gwaith.

“Mae’n dweud y byddai’r pwyllgor yn annibynnol yn yr un modd â Banc Lloegr felly mae e’n camarwain pobol wrth ddweud ei fod e’n gostwng mewnfudo oherwydd fydd dim rheolaeth ddemocrataidd,” meddai.

“Fydd dim atebolrwydd o ran unrhyw benderfyniad gan weinidog mewnfudo oherwydd bydd yn cael ei drosglwyddo i bwyllgor annibynnol statudol – felly unwaith eto, mae Boris Johnson yn dweud celwydd wrth bobol Prydain.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones