Dominic Raab “ddim wir yn poeni” am golli ei sedd

 
Dominic Raab, yr Ysgrifennydd Brexit

Dominic Raab, y cyn-Ysgrifennydd Brexit

Llun trwy wikimedia Commons CC BY 3.0

Dydy Dominic Raab “ddim wir yn poeni” am golli ei sedd yn yr etholiad cyffredinol.

Ar drothwy’r etholiad ar Ragfyr 12, mae awgrym fod nifer o Geidwadwyr blaenllaw mewn perygl o golli eu seddi yn sgil helynt Brexit, ac mae Ysgrifennydd Tramor San Steffan yn eu plith.

Mae’n cynrychioli’r Ceidwadwyr yn etholaeth Esher a Walton yn Surrey, ac mae’n derbyn nad oes modd “cymryd unrhyw beth yn ganiataol” er bod ganddo fe fwyafrif o 23,298 yn yr etholiad diwethaf.

Mae pôl gan Deltapoll ar ran yr Observer yn awgrymu y gallai nifer fawr o bleidleiswyr bleidleisio mewn modd tactegol.

Y Ceidwadwyr fu mewn grym yn ei etholaeth ers 1910, ac fe bleidleisiodd 58% o’r etholaeth o blaid aros yn yr Undeb Ewropeaidd, er bod Dominic Raab yn Brexitiwr.

Ond pe bai cefnogwyr Llafur yn troi at y Democratiaid Rhyddfrydol neu pe bai mwy o bobol o dan 40 oed yn pleidleisio, fe allai golli ei sedd.

‘Mae’r polau’n newidiol’

Wrth ymateb, dywed Dominic Raab fod canlyniadau polau piniwn yn “newidiol”.

“Ond un peth mae’n ei ddangos i chi, yn fy etholaeth i ac i fyny ac i lawr y wlad, yw’r perygl o senedd grog ac mae’n risg wirioneddol os ydych chi’n pleidleisio unrhyw ffordd arall ac eithrio’r Ceidwadwyr.

“Ond mae gyda ni gynllun positif iawn er mwyn cyflawni Brexit, symud y wlad yn ei blaen a dw i’n hyderus o fynd â hynny at y pleidleiswyr.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones