London Bridge: Boris Johnson yn beio’r senedd oherwydd atal Brexit

 

Boris Johnson

Llun: Chatham House CC 2.0 ar Flickr

Mae Boris Johnson yn dweud y gallai newidiadau i’r gyfraith fod wedi cael eu cyflwyno a fyddai wedi atal yr ymosodiad brawychol yn Llundain pe na bai’r senedd yn San Steffan wedi cael ei chau tros fater Brexit.

Mae’n dweud na fyddai Usman Khan wedi gallu lladd ar London Bridge pe bai’r senedd wedi gallu newid y gyfraith i atal carcharorion rhag cael eu rhyddhau’n gynnar.

Mae’n cyhuddo’r “senedd grog ffaeledig o hoelio’u sylw ar atal Brexit”.

Daw ei sylwadau ynghanol ffrae tros ryddhau Usman Khan hanner ffordd drwy ddedfryd o garchar am droseddau brawychol.

Mae Jeremy Corbyn, arweinydd y Blaid Lafur, wedi canmol yr heddlu wrth iddyn nhw saethu’r troseddwr yn farw.

Sylwadau Boris Johnson

“Ers dod yn brif weinidog, dw i wedi dweud bod angen newid cyfeiriad sylweddol ar droseddau treisgar a diogelwch,” meddai Boris Johnson.

“Mae’r hyn dw i wedi ei weld dros y 24 awr diwethaf wedi fy ngwneud i’n grac – mae’n hollol amlwg na allwn ni barhau â’r dulliau methedig a gafwyd yn y gorffennol.

“Dyna pam dw i hefyd wedi dweud bod angen cadw troseddwyr treisgar a brawychwyr yn y carchar am fwy o amser a rhoi’r gorau i’r system o ryddhau’n gynnar yn awtomatig.

“Fe gymeron ni nifer o gamu er mwyn gwneud hyn cyn yr etholiad.

“Fodd bynnag, o ganlyniad i’r senedd grog ffaeledig oedd wedi hoelio’u sylw ar atal Brexit, doedden ni ddim yn gallu gwneud rhagor.”

Fe fyddai deddfwriaeth a ddaeth i ben pan gafodd y senedd ei diddymu wedi sicrhau bod carcharorion sydd wedi’u carcharu am fwy na phedair blynedd am drais neu droseddau rhyw yn cael eu rhyddhau dau draean o’r ffordd drwy eu dedfryd, yn hytrach na hanner ffordd fel sy’n digwydd ar hyn o bryd.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones