Llafur yn addo helpu menywod y 1950au sydd wedi colli pensiwn

 
Wyneb John McDonnell

John McDonnell

Llun: Rwendland CCA4.0 Rhyngwladol

Mae Llafur yn addo helpu oddeutu 3.7m o fenywod sydd wedi cael eu heffeithio gan y newid yn yr oed pensiwn gwladol.

Wrth wneud addewid etholiadol, dywed John McDonnell, canghellor yr wrthblaid, fod y Blaid Lafur am “anrhydeddu” menywod a gafodd eu geni yn y 1950au.

Fe allai arwain at ddosbarthu £58bn dros gyfnod o bum mlynedd, gyda thaliadau unigol gwerth rhwng £15,380 a £31,300.

Mae’n dilyn ymgyrch gan “fenywod Waspi” ac fe wnaeth un ohonyn nhw herio Boris Johnson, prif weinidog Prydain, yn ystod dadl deledu’r wythnos ddiwethaf.

Dydy Boris Johnson ddim wedi addo unrhyw arian iddyn nhw, gan ddweud na allai gyflawni “hud a lledrith”.

Cynllun

Ond mae gan y Blaid Lafur gynllun i helpu’r menywod hyn, meddai John McDonnell, sy’n dweud bod y menywod wedi dioddef “canlyniadau ariannol difrifol”.

“Mae rhai ohonyn nhw wedi cael eu taro gan gyfuniad o dlodi a straen, ar ôl colli allan ar yr hyn roedden nhw wedi cyfrannu tuag ato,” meddai.

“Cafodd y newidiadau hyn eu gorfodi arnyn nhw gan lywodraeth oedd wedi cael ei harwain gan y Torïaid.

“Felly mae arnon ni ddyled iddyn nhw i’w hanrhydeddu a phan awn ni i’r llywodraeth, rydyn ni am weithredu ar y ddyled honno.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones