Plaid Brexit yn cyhoeddi maniffesto – eisiau meddygfeydd ar agor 24 awr y dydd

 

NIgel Farage

Llun: Comin Wicimedia

Mae Nigel Farage wedi galw am gyfyngu mewnfudo wrth gyhoeddi maniffesto’i Blaid Brexit.

Ac un o’i flaenoriaethau yw cyfyngu mewnfudo i wledydd Prydain i 50,000.

“Trothwy bras yw hyn,” meddai Nigel Farage. “Dw i ddim yn dweud ei fod yn hollol bendant.

“Beth am ddychwelyd at 60 blynedd o normalrwydd a fu yn dilyn yr Ail Ryfel Byd. Arweiniodd hynna atom yn cyrraedd y lefelau gorau o integreiddio, a chyfeillgarwch rhwng yr hiliau, yn Ewrop.

“Dyna dw i’n ei ddweud. Gwnaethom hynny’n dda iawn hyd at yr 1990au hwyr, pan aethom ar hyd trywydd gwahanol. Rydym ni’n nawr yn talu pris eitha’ mawr am hynny.”

Polisïau eraill

Mae Plaid Brexit eisiau diddymu Tŷ’r Arglwyddi, haneru faint o arian cymorth sy’n cael ei rhoi i wledydd tramor, ac wedi cynnig sawl polisi arall.

  • Rhoi’r gorau i HS2 (rheilffordd gyflym arfaethedig yn Lloegr)
  • Cael gwared ar ffi trwydded BBC
  • Caniatáu i ddinasyddion alw refferenda os oes pum miliwn yn cytuno
  • Gwaredu treth etifeddu
  • Sefydlu meddygfeydd sydd yn agored 24 awr y dydd
  • Buddsoddi £2.5 biliwn mewn cymunedau pysgota ac arfordirol

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones