Gallai’r Tywysog Andrew gael ei holi am ei berthynas â Jeffrey Epstein

Diweddarwyd am  

Tywysog Andrew

Llun: Comin Wicimedia

Mae cyfreithiwr sy’n cynrychioli nifer o ddioddefwyr Jeffrey Epstein yn dweud y gallai Dug Caerefrog, y Tywysog Andrew, gael ei orfodi i roi tystiolaeth am ei berthynas â’r dyn busnes y tu allan i lys.

Dywed Lisa Bloom fod gan gyfreithwyr yr hawl i rhoi gwys i dystion ddod i roi tystiolaeth o dan lw, ond y tu allan i lys barn.

Ond mae’n dweud na fyddai’n hawdd gweithredu proses o’r fath gydag aelod o’r teulu brenhinol, sy’n annhebygol o gael ei weld yn aml mewn bywyd cyhoeddus, ac y gallai arwain at sefyllfa ddiplomyddol.

Fe ddaw ar ôl i’r teulu brenhinol gyhoeddi na fydd e’n cyflawni unrhyw ddyletswyddau swyddogol o ganlyniad i’r helynt.

Mae Dug Caerefrog dan bwysau yn dilyn cyfweliad ar raglen Newsnight y BBC am ei berthynas â’r dyn busnes oedd yn wynebu cyhuddiadau o droseddau rhyw cyn lladd ei hun yn y ddalfa.

Mae nifer o sefydliadau wedi ymbellhau oddi wrth y Dug yn sgil ei berthynas â Jeffrey Epstein, ac mae rhai yn beirniadu ei ddiffyg cydymdeimlad â dioddefwyr a’u teuluoedd.

Y cyfweliad

Yn ystod y cyfweliad, fe wnaeth e wadu ei fod e wedi cael rhyw â Virginia Giuffre, un o’r dioddefwyr, gan gynnwys ar ddau achlysur pan oedd hi’n dal yn blentyn.

Mae’n gwadu iddo gyfarfod â hi yn 2001 gan iddo dreulio’r diwrnod yn Pizza Express yn Woking gyda’i deulu.

Fe fu cryn drafod am honiadau fod y Dug yn chwysu’n sylweddol yn ystod y cyfarfod â hi, ond mae meddygon yn dweud bod ganddo fe gyflwr sy’n golygu nad yw e’n gallu chwysu.

Yn ystod y cyfweliad, roedd e’n gwrthod dweud ei fod e’n difaru ei gyfeillgarwch â Jeffrey Epstein.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones