Myfyriwr dall Rhydychen ‘wedi’i lusgo o gyfarfod gerfydd ei draed’

 

Prifysgol Rhydychen

Prifysgol Rhydychen

Mae adroddiadau bod myfyriwr dall ym Mhrifysgol Rhydychen wedi cael ei lusgo o gyfarfod gerfydd ei draed.

Mae rhai yn galw ar Brendan McGrath, llywydd Undeb y Myfyrwyr, i ymddiswyddo ar ôl i fideo ddangos Ebenezer Azamati, myfyriwr tramor 25 oed o Ghana, yn cael i lusgo o’r cyfarfod mewn gweithred sydd wedi’i disgrifio fel un “dreisgar, anghyfiawn, annynol a chywilyddus”.

Mae’r myfyriwr yn dweud nad yw’n teimlo bod croeso iddo bellach yn yr undeb, yn Rhydychen nac yn Lloegr.

Y cefndir

Mae lle i gredu bod Ebenezer Azamati, sy’n astudio cydberthynas ryngwladol, wedi cyrraedd y cyfarfod yn gynnar wrth i fyfyrwyr baratoi i drafod eu hyder yn Llywodraeth Prydain.

Fe gyrhaeddodd yn gynnar er mwyn sicrhau sedd addas yn sgil pryderon am ddiffyg darpariaeth i fyfyrwyr ag anableddau.

Fe adawodd wedyn am ginio ac wrth ddychwelyd, gwrthodwyd mynediad iddo fe i’r cyfarfod.

Yn fuan wedyn, cafodd e fynd i mewn ar ôl i ffrind gyrraedd ac fe eisteddodd e.

Ond daeth swyddogion diogelwch ato fe a’i lusgo allan o’r adeilad, cymryd ei gerdyn myfyriwr oddi arno a’i wahardd o’r Undeb.

Cafodd cyfarfod disgyblu ei drefnu’n gyflym gan Brendan McGrath, oedd yn honni bod Ebenezer Azamati wedi ymddwyn yn dreisgar drwy daflu ei freichiau o gwmpas ac ystumio’n dreisgar â’i ddwylo.

Mae’r cyhuddiad o ymddwyn yn dreisgar wedi’i dynnu’n ôl erbyn hyn, ac mae Brendan McGrath wedi ymddiheuro.

Ond mae deiseb yn galw arno i gamu o’r neilltu, rhoi’r hawl i Ebenezer Azamati gael dychwelyd i’r Undeb a rhoi iawndal iddo, a chosbi’r swyddogion diogelwch.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones