“Dim refferendwm annibyniaeth i’r Alban cyn 2021” – Jeremy Corbyn

Diweddarwyd am  
Jeremy Corbyn yn areithio yn Nhy'r Cyffredin a Diane Abbott wrth ei ochr

Jeremy Corbyn

Llun: Ty’r Cyffredin

Mae Jeremy Corbyn yn dweud na fyddai’n rhoi’r hawl i’r Alban gynnal refferendwm annibyniaeth cyn 2021.

Fe fu’n ymateb i Ian Blackford, arweinydd yr SNP yn San Steffan, sy’n dweud nad oes modd stopio’r Alban rhag mynd yn annibynnol.

Mae Nicola Sturgeon, arweinydd y blaid, eisoes yn dweud ei bod hi am gynnal ail refferendwm yn niwedd y flwyddyn nesaf a’i bod hi am ofyn i Boris Johnson, prif weinidog Prydain, am ganiatâd i’w gynnal.

Mae Jeremy Corbyn wedi gwrthod rhoi sicrwydd i’r SNP y byddai’n cael ei gynnal o fewn blwyddyn gyntaf Llafur mewn grym.

“Dw i ddim eisiau i ni dreulio’r flwyddyn gyntaf ar refferendwm annibyniaeth,” meddai.

Mae’n dweud ei fod e am ganolbwyntio ar addewid o £70bn i Fanc Buddsoddi’r Alban sydd, meddai, “yn rhan o ddosraniad teg”.

Fydd yna’n “sicr ddim” refferendwm annibyniaeth cyn 2021, meddai.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones