Galw am roi sicrwydd i deuluoedd myfyrwyr mewn fflatiau uchel

Diweddarwyd am  
Y tân mewn bloc o fflatiau myfyrwyr yn Bolton

Y tân yn Bolton

Llun: Peter Byrne / PA Wire

Mae Andy Burnham, Maer Manceinion, yn galw ar Boris Johnson, prif weinidog Prydain, i dawelu meddyliau teuluoedd myfyrwyr sy’n byw mewn fflatiau uchel yn dilyn y tân yn Bolton.

Daw’r ple wrth i golwg360 gael ar ddeall bod myfyrwyr o Gymru ymhlith y rhai sy’n byw yn y Cube yn Bolton.

Mae difrod i bedwerydd a phumed llawr yr adeilad, sy’n gartref i nifer sylweddol o fyfyrwyr.

Dydy hi ddim yn glir beth oedd wedi achosi’r tân, ond mae’r gwasanaeth tân yn dweud nad yr un cladin sydd ar yr adeilad â’r un oedd ar adeilad Tŵr Grenfell yn Llundain.

“Fe fydd nifer o bobol yn byw mewn adeiladau â’r cladin hwn heddiw a fydd yn poeni’n arw,” meddai Andy Burnham wrth Sky News.

“Mae’r prif weinidog yn ymweld â’r lle yn nes ymlaen ac fe gawn ni weld a oes angen bellach i ni dynnu’r cladin a thawelu meddyliau’r teuluoedd hynny.

“Mae ymateb y gymuned yn Bolton wedi bod yn wych. Rydyn ni am dalu teyrnged i bawb sydd ynghlwm.”

Mae Paul Dennett, Maer Salford, yn dweud bod yr awdurdodau’n ymwybodol o gladin ar yr adeilad, a’i fod am ofyn i Lywodraeth Prydain am ragor o arian i dynnu cladin fflamadwy oddi ar adeiladau er mwyn osgoi digwyddiadau tebyg eto.

Cafodd dau o bobol driniaeth ar y safle yn dilyn y tân.

Mae ymdrechion ar y gweill i gasglu nwyddau i’r myfyrwyr hynny sydd wedi colli eiddo yn y tân, ac maen nhw wedi cael llety dros dro mewn gwestai yn yr ardal.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones