Ymchwilio i ‘lwgrwobrwyo Plaid Brexit ag arglwyddiaethau’

Diweddarwyd am  
Y tu mewn i siambr Ty'r Arglwyddi

Ty’r Arglwyddi

Llun: UK-Parliment-CC-BY-3.0

Mae Heddlu Scotland Yard yn ymchwilio i “honiadau difrifol iawn” fod nifer o aelodau Plaid Brexit wedi cael cynnig seddi yn Nhŷ’r Arglwyddi yn gyfnewid am gamu o’r neilltu er lles y Ceidwadwyr yn yr etholiad cyffredinol ar Ragfyr 12.

Mae’r Arglwydd Falconer, un o arglwyddi Llafur, wedi ysgrifennu at Gomisiynydd Heddlu Llundain a’r Cyfarwyddwr Erlyniadau Cyhoeddus yn galw am ymchwiliad “ar frys”.

Mae’n dweud bod yr ymchwiliad yn hanfodol er mwyn adfer hyder y cyhoedd.

Fe ddaw ar ôl i Nigel Farage honni ei fod e ac wyth aelod arall o’r blaid wedi cael cynnig arglwyddiaethau.

Mae Heddlu Llundain wedi cadarnhau eu bod nhw wedi derbyn cwynion yn ymwneud â thwyll etholiadol a drwgweithredu mewn perthynas â’r etholiad cyffredinol fis nesaf.

Mae Michael Gove wedi wfftio honiadau’r Arglwydd Falconer, gan ddweud bod y cyfan yn “nonsens”, ond mae Boris Johnson, prif weinidog Prydain, yn dweud bod “sgyrsiau” wedi cael eu cynnal ond nad oedd cynnig wedi cael ei wneud.

Mae Plaid Brexit a’r Ceidwadwyr eisoes wedi taro bargen er mwyn sicrhau nad yw’r naill yn sefyll mewn 317 o etholaethau lle mae’r llall mewn grym ar hyn o bryd.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones