Llafur: Y Ceidwadwyr “yn poeni dim” am y Gwasanaeth Iechyd

 

Llun: CCO

Mae’r Blaid Lafur wedi cyhuddo’r Ceidwadwyr o “boeni dim” ac o roi darlun anghywir o’r Gwasanaeth Iechyd Gwladol wedi i’r Ysgrifennydd Iechyd, Matt Hancock, honni fod y gwasanaeth, mewn sawl ffordd, yn perfformio’n well nag erioed.

Dangosa ffigyrau newydd y Gwasanaeth Iechyd Gwladol fod y gwasanaeth yn perfformio ar ei lefel waethaf erioed o ran targedau adrannau damweiniau ac achosion brys, gofal canser, a rhestrau aros am lawdriniaethau.

Mae 4.42 miliwn o gleifion ar restrau aros am driniaeth – y ffigwr uchaf erioed.

“Argyfwng”

Mae un ymhob chwe chlaf yn gorfod disgwyl yn rhy hir am driniaeth mewn adrannau damweiniau ac achosion brys yn ôl y ffigurau ac mae amseroedd disgwyl yn hirach ar gyfer triniaethau canser.

Mae elusennau iechyd o’r gred fod y gwasanaeth mewn argyfwng, gyda meddygon yn dweud fod y gwasanaeth yn “datgymalu.”

“Mae hyn yn dangos nad yw’r Torïaid yn poeni dim am ein Gwasanaeth Iechyd Gwladol,” meddai’r Ysgrifennydd Iechyd cysgodol Jonathan Ashworth.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones