Disgwyl i gwmni o Tsieina achub ffatri British Steel
Dur
Llun: CC0 trwy www.pixabay.com
Mae disgwyl i gwmni o Tsieina brynu ffatri British Steel yn Scunthorpe yr wythnos hon, gan achub hyd at 4,000 o swyddi.
Fe ddaeth cwmni Jingye Group i’r adwy ar ôl i drafodaethau â phrynwr o Dwrci ddod i ben.
Mae lle i gredu bod cwmni Liberty House hefyd wedi bod yn awyddus i’w brynu wrth i’r trafodaethau ag Ataer orffen yn aflwyddiannus.
Mae lle i gredu y bydd y cwmni’n cael ei brynu am £70m ar ôl ymddatod yn ddiweddar, a bod y prynwr yn barod i gael mynediad i £300m o arian ychwanegol mewn benthyciadau, grantiau ac indemniadau.
Gobaith y prynwr yw y gall gynyddu cynhyrchiant y safle o 10%. Mae staff yn Scunthorpe wedi cael gwybod am y datblygiadau.
Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.
Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.
