Jeremy Corbyn “yn ddrwgdybus” o gynllun iechyd Boris Johnson

Diweddarwyd  
Jremy Corbyn yn areithio yn Nhy'r Cyffredin a Diane Abbott wrth ei ochr

Jeremy Corbyn

Llun: Ty’r Cyffredin

Mae Jeremy Corbyn yn dweud ei fod yn “ddrwgdybus iawn” o gynlluniau iechyd Boris Johnson a’r Ceidwadwyr.

Fe fu arweinydd y Blaid Lafur yn Swindon heddiw (dydd Sadwrn, Tachwedd 2), wrth iddo fynegi pryder am effaith perthynas Prydain a’r Unol Daleithiau ar wasanaethau cyhoeddus.

Mae Llafur yn dweud y bydd yn gwarchod rhag cynlluniau honedig i werthu rhannau o’r Gwasanaeth Iechyd i gorfforaethau yn yr Unol Daleithiau fel rhan o gytundeb masnach gyda’r Arlywydd Donald Trump.

“Dw i’n poeni mwy o lawer am berthynas y Blaid Dorïaidd gyda llywodraeth yr Unol Daleithiau a’r Unol Daleithiau a’i effaith ar ein gwasanaethau cyhoeddus [na beirniadaeth gan Donald Trump],” meddai.

“A’r cytundeb mae’n ymddangos maen nhw’n barod i’w gwneud gyda chwmnïau fferyllol yr Unol Daleithiau ar gyfer ein Gwasanaeth Iechyd.

“Dw i eisiau i’r Gwasanaeth Iechyd fod yn eiddo i ni, wedi’i berchen a’i redeg gan y cyhoedd.”

Mae Donald Trump yn wfftio’r pryderon yn gyson, ond mae Jeremy Corbyn yn dweud ei fod e’n “ddrwgdybus iawn, iawn”.

Dydy Boris Johnson ddim wedi dweud yn agored na fyddai’n barod i breifateiddio rhannau o’r gwasanaeth iechyd, er ei fod yn dweud y dylai gwasanaethau fod yn rhad ac am ddim i gychwyn.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones