Donald Trump yn beirniadu cytundeb Brexit Boris Johnson

Diweddarwyd am  

Donald Trump

Llun-commons-wicipedia-CC0.jpg

Wrth i’r ymgyrchu ar gyfer yr etholiad cyffredinol ym mis Rhagfyr ddechrau, mae Donald Trump wedi bod yn lleisio ei farn am Boris Johnson a Jeremy Corbyn.

Fe rybuddiodd Arlywydd yr Unol Daleithiau y byddai Jeremy Corbyn yn arweinydd “gwael iawn” i wledydd Prydain, ond fe ddywedodd mai Boris Johnson oedd “y dyn iawn” ar gyfer y swydd.

Mae Donald Trump hefyd wedi galw ar y Prif Weinidog ac arweinydd y Brexit Party, Nigel Farage, i “ddod ynghyd” gan ganmol y ddau.

Daeth sylwadau’r Arlywydd wrth i Boris Johnson roi addewid y bydd yn cyflwyno Brexit erbyn mis Ionawr “fan bellaf” os yw’r Ceidwadwyr yn ennill yr etholiad.

Ond mae Donald Trump wedi beirniadu cytundeb Brexit Boris Johnson gan ddweud y bydd rhai agweddau o’r cytundeb yn rhwystro masnach gyda’r Unol Daleithiau.

Mae Jeremy Corbyn wedi ymateb i’w sylwadau drwy ddweud bod Donald Trump yn ceisio “ymyrryd yn yr ymgyrch etholiadol ym Mhrydain er mwyn sicrhau bod ei ffrind Boris Johnson yn cael ei ethol.”

Mae disgwyl i’r etholiad cyffredinol gael ei gynnal ar Ragfyr 12.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones