John Bercow yn dweud ‘na’ i bleidlais ar y fargen Brexit

 

John Bercow, Llefarydd Ty’r Cyffredin

Llun: Julian Mason CC2.0 trwy Flickr

Mae Llefarydd Tŷ’r Cyffredin wedi gwrthod cais gan Lywodraeth Prydain i gynnal pleidlais ar fargen Brexit y Prif Weinidog.

Yn ôl John Bercow, byddai pleidlais o’r fath yn “ailadroddus ac anhrefnus”, a chyfeiriodd at hen gonfensiwn seneddol sy’n dyddio’n ôl i’r 1600au wrth gyhoeddi ei benderfyniad.

Roedd Boris Johnson wedi gobeithio cael sêl bendith Aelodau Seneddol i’w gynllun Brexit heddiw (dydd Llun, Hydref 21) ar ôl cael ei orfodi dros y penwythnos i ofyn i’r Undeb Ewropeaidd am estyniad i Brexit.

Ond dadl y Llefarydd yw bod amgylchiadau a chynnwys y cynnig yr un fath a’r un a gyflwynwyd gerbron Tŷ’r Cyffredin ddydd Sadwrn (Hydref 19) – ond a ohiriwyd ar y funud olaf.

Dyw hi ddim yn briodol gofyn “yr un cwestiwn” fwy nag unwaith yn ystod yr un sesiwn o’r Senedd, yn ôl John Bercow.

Mae’r penderfyniad yn ergyd arall i Lywodraeth Prydain sy’n mynnu bod ganddyn nhw ddigon o bleidleisiau er mwyn sicrhau bod bargen Boris Johnson yn cael ei chymeradwyo.

Yn y cyfamser, dyw’r Undeb Ewropeaidd dal heb benderfynu pa un a fydd y dyddiad ar gyfer Brexit yn cael ei newid ai peidio.

Mae disgwyl i wledydd Prydain adael yr Undeb Ewropeaidd ar Hydref 31.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones