Llafur “ddim am gael eu twyllo” gan fargen Brexit, meddai Jeremy Corbyn

 
Jremy Corbyn yn areithio yn Nhy'r Cyffredin a Diane Abbott wrth ei ochr

Jeremy Corbyn

Llun: Ty’r Cyffredin

Mae Jeremy Corbyn yn dweud na fydd y Blaid Lafur yn cael eu “twyllo” gan fargen Brexit Boris Johnson.

Daw ymateb arweinydd yr wrthblaid ar ôl i’r prif weinidog fod yn amlinellu’r fargen wrth i aelodau seneddol gyfarfod ar ddydd Sadwrn am y tro cyntaf ers 37 o flynyddoedd, gyda’r dyddiad ymadael, Hydref 31, ar y gorwel.

Mae Jeremy Corbyn yn dweud bod y fargen hon yn waeth na’r un flaenorol.

“Mae e wedi ail-drafod y Cytundeb Ymadael ac wedi ei wneud e’n waeth fyth,” meddai.

“Mae e wedi ail-drafod y Datganiad Gwleidyddol ac wedi gwneud hwnnw’n waeth.”

Mae’n dweud bod diffyg asesiad economaidd a chyngor cyfreithiol yn perthyn i’r fargen, a bod yna “addewidion gwag” o ran hawliau gweithwyr a’r amgylchedd.

“Does dim modd ymddiried yn y llywodraeth hon a chaiff y meinciau hyn mo’u twyllo,” meddai.

‘Swyddi yn y fantol’

Mae’n dweud bod y fargen yn peryglu “miloedd o swyddi Prydeinig” ac y byddai cefnogi’r fargen “yn bleidlais i dorri gweithgynhyrchu ar draws y wlad”.

Byddai hynny, meddai, yn arwain at geisio taro bargen fasnach â Donald Trump a’r Unol Daleithiau, “gan orfodi’r Deyrnas Unedig i wyro oddi wrth y safonau uchaf ac agor ein teuluoedd unwaith eto i gyw iâr clorin a chig eidion sydd wedi’i drin â hormonau”.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones