Jeremy Corbyn: “Mae angen ail refferendwm i ddatrys Brexit”

 

Jeremy Corbyn

Llun: llun commons wikimedia CC0

Mae arweinydd y Blaid Lafur, Jeremy Corbyn, yn galw am ail refferendwm Brexit wedi iddo ddisgrifio bargen Boris Johnson fel un sy’n “waeth nag un Theresa May”.

Daeth cadarnhad y bore yma (dydd Iau, Hydref 17) bod Boris Johnson wedi llwyddo i daro bargen newydd gyda’r Undeb Ewropeaidd ynglŷn â Brexit – y mae disgwyl iddo ddigwydd ar Hydref 31.

Yn ôl y Prif Weinidog, mae’n “fargen newydd sy’n cymryd grym yn ôl,” tra bo Llywydd y Comisiwn Ewropeaidd, Jean-Claude Junker, yn ei disgrifio’n “fargen deg a chytbwys” ar gyfer gwledydd Prydain a’r Undeb Ewropeaidd.

Bydd arweinwyr Ewrop yn ei hystyried mewn uwchgynhadledd ym Mrwsel heddiw, ac mae disgwyl iddi gael ei chyflwyno gerbron Aelodau Seneddol yn San Steffan ymhen deuddydd.

Beirniadu’r fargen

“O’r hyn rydyn ni’n ei wybod, mae’n ymddangos bod Boris Johnson wedi ffurfio bargen sydd hyd yn oed yn waeth nag un Theresa May, a gafodd ei gwrthod yn llwyr,” meddai Jeremy Corbyn.

“Mae gan y cynigion hyn y risg o gychwyn ras i’r gwaelod o safbwynt hawliau a diogelwch, gan beryglu diogelwch bwyd, torri safonau amgylcheddol a hawliau gweithiwyr.

“Bydd hefyd yn gwneud ein Gwasanaeth Iechyd Gwladol yn agored i gorfforaethau preifat o’r Unol Daleithiau.

“Fydd y fargen hon ddim yn uno’r wlad ac fe ddylai gael ei gwrthod. Y ffordd orau i ddatrys Brexit yw rhoi cyfle i’r bobol gael dweud eu dweud mewn pleidlais gyhoeddus.

Gwleidyddiaeth

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones